Қазпошта Ozon-мен ынтымақтастықты кеңейтеді

Осылайша, 2023 жылдың қыркүйек айынан бастап республикалық маңызы бар, яғни Астана, Алматы, Шымкент қалаларындағы филиалдарда және «Қазпошта» АҚ-ның барлық облыстық филиалдарындағы пошта байланысы бөлімшелері мен сәлемдемелер супермаркеттерінде Ozon тапсырыстарын беретін 23 пункт ашылды. Ozon тапсырыстарын беру пункттері «Қазпошта» АҚ-ның барлық 17 филиалында ашылды.

"Ozon тапсырыстарының көлемі жыл сайын артып келеді. Егер 2021 жылы 58 541 жөнелту болса, 2022 жылы олардың саны 3 есе артты. Биылғы жылдың 10 айында Қазпошта өз бөлімшелері мен тапсырыс беру пункттері арқылы жарты миллионға жуық сәлемдемелерді тапсырдыі. Біз жеткізу жылдамдығын қысқартуға және клиенттер үшін қолайлы жағдай жасауға мүмкіндік беретін электрондық коммерция логистикасын және экожүйені одан әрі дамытатын боламыз", - дейді «Қазпошта» АҚ электрондық коммерция және сәлемдемелер бизнесі жөніндегі басқарушы директорының м.а. Сұлтан Мұстафин.

Тауарлар саны ұлғайған сайын электрондық коммерция тауарларын жіберу көлемі де артып келеді.

«Біз Қазақстанның пошта бөлімшелерінде кемінде 30, 2024 жылдың соңына дейін — 300 брендтік пункт ашуды жоспарлап отырмыз. Олардың барлығы Ozon стандарттары бойынша, яғни демалыс күндерінсіз және 12 сағаттық жұмыс күні режимінде жұмыс істейтін болады. «Қазпошта» АҚ-мен мұндай ынтымақтастық бізге бүкіл ел бойынша клиенттер үшін тапсырыстарды беру шарттарын жақсартуға және жеткізу мерзімдерін барынша жылдамдатуға мүмкіндік береді. Ұлттық оператор табысты серіктестікті көздеп отыр және біз өз тарапымыздан бізге артылған сенімді ақтауға тырысамыз», - дейді Қазақстандағы Ozon-ның бас директоры Мөлдір Рысалиева.

Астана, Алматы, Ақтөбе қалаларындағы сұрыптау және фулфилмент орталықтарының базасында «Қазпошта» АҚ Ozon тапсырыстарын сұрыптауды өз мойнына алып, бірінші мильді қысқартты. Бұл шешім клиенттерге тапсырыстарды тезірек жеткізуге және географияны кеңейтуге мүмкіндік берді. Ozon маркетплейсінде мыңдаған қазақстандық кәсіпкерлер өз тауарларын сатады.